هاج شوقي ليك .
لله يا ناسي ليه ديوني
مشتاقة لشوفة فيك
نكحل بيها عيوني.
انت حبي وعشقي
علاش فيك يلوموني
قلبي هواك وبغاك
اشواقي ليك خاذوني
محبتي ليك صادقة
وبيك جن جنوني.
انت شمسي وضي عيوني.
ليلي مظلام بلا كمرتك وهلالك
لله يا لݣمرة ولله يا لهلال
نورو ظلامي ولا تفوتوني
من طول ظلام ليلي شكيت
لله يا حبابي غير عذروني
لا لومة ولا عتاب عليكم
بغيت انوارك يا حبيبي قلبي ينوروني
انا شوقي ليك هاج يا محبوبي
شوفة منو نكحل بيها عيوني
حبيبي قلبي محمد الهادي
شفيعي. منو لا تحرموني
محمد الحاتمي